Liverpooli po punon për transferimin e dy futbollistëve tjerë

16:21 | 12 Gusht 2025
D.H

Liverpooli është duke punuar me intensitet të lartë për të afruar dy mbrojtës qëndror, dhe tashmë opsionet i kanë.

Giovanni Leoni dhe Marc Guehi, shihen si mbrojtës të ardhshëm të “The Reds”, raporton Fabrizio Romano.

Mbrojtësi i Parmas, Leoni, shihet si një talent i madh për të ardhmen, ndërsa emri i tij është futur në listën e dëshirave që nga muaji korrik, shkruan Arbresh.info.

Ndërkohë, Marc Guehi nuk do të rinovojë kontratën me Crystal Palace dhe mbetet një mundësi për tri javët e fundit të merkatos, teksa bisedimet janë ende në zhvillim.

Klubi po vlerëson opsionet brenda dhe jashtë skuadrës përpara se të marrë një vendim përfundimtar për qendrën e mbrojtjes.

Kujtojmë se Liverpooli ka pak alternativa për të zëvendësuar Van Dijkun dhe Konate në qendër të mbrojtjes pas largimit të Quansah drejt Leverkusenit./Arbresh.info